အဆိုပါ ဆန္ဒပြသူ ကိုစည်သူနှင့် ကိုသန်းလွင်တို့က တောင်ကုတ်မြို့လမ်းမများပေါ် လှည့်လည်၍ ၂ နာရီခန့်ကြာ ဆန္ဒပြ နေစဉ် ချောင်းကောက်ရပ်ကွက် အရောက်တွင် ရဲ၊ ကြံ့ဖွံ့နှင့် အက်စ်ဘီထောက်လှမ်းရေးများက ဆိုင်ကယ်များဖြင့် ၀ိုင်းဝန်း ဖမ်းဆီးသွားသည်ဟု ကိုယ်တိုင်ကြုံတွေ့ခဲ့ရသူ တောင်ကုတ်မြို့နေ ဦးခင်လတ်က ပြောသည်။
ထိုသို့ မဖမ်းဆီးခင် မြို့တွင်း တနေရာ၌ ဆန္ဒပြသူ ၂ ဦးကို အက်စ်ဘီ ထောက်လှမ်းရေးအဖွဲ့က ခေါ်လာသည့် စစ်သား တဦးက ၀င်ရောက် ထိုးကြိတ်ခဲ့ကြောင်း သိရသည်။
“အန်းလမ်းတနေရာမှာ အဲဒီစစ်သားက လက်သီးနဲ့ဝင်ထိုးလို့ ပြည်သူလူထုကို မင်းတို့ ဒီလို အကြမ်းဖက်တာမျိုး မလုပ်ပါနဲ့လို့ ကျနော်တို့က ၀င်တားခဲ့ပါတယ်၊ အဲဒီအချိန်မှာ ရဲအရာရှိတွေ၊ သက်ဆိုင်ရာ အာဏာပိုင်တွေရှိတယ်၊ သူတို့ရှေ့မှာလုပ်တာ”ဟု ဦးခင်လတ်က ပြောသည်။
တောင်ကုတ် အန်အယ်လ်ဒီအဖွဲ့ဝင် ကိုမင်းအောင်က မှတ်တမ်းဓာတ်ပုံရိုက်ယူရာ သူ၏ ကင်မရာအား အထက်ပါ စစ်သားက သိမ်းယူဖျက်ဆီးရန် ကြိုးစားခဲ့သည်ဟု ကိုမင်းအောင်က ပြောပြသည်။
“ကျနော့်ကို ဓာတ်ပုံမရိုက်ရဘူး ကင်မရာကိုပေးဆိုပြီး လာလုတယ်၊ ကျနော်က ဒါ ခင်ဗျား ဥစ္စာမဟုတ်ဘူး ကျနော်မပေး နိုင်ဘူးဆိုပြီး ပြန်ယူပြီးထွက်လာခဲ့တယ်”ဟု ကိုမင်းအောင်က ပြောသည်။
ယခုကဲ့သို့ ပြည်သူလူထု၏ အခက်အခဲကို ငြိမ်းချမ်းစွာ ဆန္ဒပြနေသူများအား ဥပဒေမဲ့ အကြမ်းဖက်ခြင်းသည် မဖြစ်သင့် ကြောင်း၊ ဥပဒေကို ကိုင်တွယ်အသုံးပြုနေသည့် နိုင်ငံတော် အုပ်ချုပ်သူများတွင် ဖြေရှင်းပေးရန် တာဝန်ရှိကြောင်းလည်း ဦးခင်လတ်က ပြောဆိုသည်။
ဧရာဝတီ | သြဂုတ် ၃၀၊ ၂၀၀၇
ကျိုက္ကဆံစစ်ကြောရေးစခန်း-ရန်ကုန်
၂၈ ရက်နေ့က မစုစုနွေးဦးဆောင်သည့် လမ်းလျှောက်ဆန္ဒပြပွဲတွင် အဖမ်းခံရသည့် မကွေးတိုင်း၊ ချောက်မြို့နယ်မှ အန်အယ်လ်ဒီ စည်းရုံးရေးကော်မတီဝင် ကိုအိုးဝေကို ကြံ့ဖွံ့များက အကြမ်းဖက် ဖမ်းဆီးသွားသောကြောင့် ခြေထောက် တဘက် ကျိုးသွားခဲ့သည်။
ကျိုက္ကဆံ စစ်ကြောရေးစခန်းတွင် ချုပ်နှောင်ခြင်းခံထားရသည့် ကိုအိုးဝေ၏ ခြေထောက်ဒဏ်ရာကို အာဏာပိုင်တို့က ဆေးမကုပေးသောကြောင့် ကျိုက္ကဆံစစ်ကြောရေးစခန်းတွင် အဖမ်းခံထားရသူများ အစာငတ်ခံ ဆန္ဒပြနေကြသည်ဟု မစုစုနွေးက ဧရာဝတီကို အတည်ပြုပြောဆိုသည်။
“အဖမ်းခံထားရသူတွေဟာ အ၀တ်တထည်ကိုယ်တခုနဲ့ပါသွားတဲ့အတွက် သူတို့တွေရဲ့ စားဝတ်နေရေး၊ ကျန်းမာရေးတွေကို ကျမတို့စိုးရိမ်တယ်။ ဖမ်းထားတယ်ဆိုရင်လဲ မိသားစုတွေနဲ့ တွေ့ခွင့်ပေးတာမျိုးကို ဆောင်ရွက်ပေးစေချင်ပါတယ်” ဟုလည်း မစုစုနွေးက ပြောသည်။
ရန်ကုန်
စစ်သားများအပြည့် တင်ဆောင်ထားသည့် စစ်ကားများ ရန်ကုန်မြို့အနှံ့အပြားတွင် ကင်းလှည့်နေကြောင်း သိရသည်။
၂၈ ရက်နေ့က လောင်စာဆီနှင့် ကုန်ဈေးနှုန်းကျဆင်းရေး ဆန္ဒပြပွဲကိုဦးဆောင်ခဲ့သည့် အန်အယ်လ်ဒီပါတီမှ မစုစုနွေး အပါအ၀င် ၈၈ မျိုးဆက်ကျောင်းသားအဖွဲ့မှ မီးမီးနှင့် မနီလာသိန်းတို့၏ ဓာတ်ပုံများကို တည်းခိုခန်းများတွင် ကပ်ထားပြီး ကားဂိတ်များတွင်လည်း အာဏာပိုင်တို့က ၎င်းတို့သုံးဦးအား ဓာတ်ပုံများဖြင့် လိုက်လံစုံစမ်းနေသည်ဟု ရန်ကုန်မြို့ခံတဦးက ပြောသည်။
ကျောင်းသားခေါင်းဆောင် ကိုဌေးကြွယ်အပါအ၀င် ၈၈ မျိုးဆက်ကျောင်းသား အဖွဲ့ဝင်များကိုလည်း ဖမ်းဆီးရန် အာဏာပိုင်တို့က လိုက်လံရှာဖွေနေကြောင်း စုံစမ်းသိရှိရသည်။
မန္တလေး
ဘုန်းတော်ကြီးကျောင်းများကို ရဲများက အထူးစောင့်ကြည့်နေကြောင်း မြို့ခံတဦးက ပြောသည်။
ဘုန်းကြီးကျောင်းများတွင် လာရောက်တည်းခိုနေကြသော အခြားနယ်များမှ ရဟန်းပျိုများနှင့် ဧည့်သည်များကို ဒေသရင်းသို့ပြန်ကြရန်လည်း အာဏာပိုင်တို့က ညွှန်ကြားထားသည်။ ကျောက်ပန်းတောင်း-မန္တလေးတိုင်း
နံနက် ၁၀ နာရီခန့်က အန်အယ်လ်ဒီပါတီဝင် အများစုပါဝင်သည့် လူဦးရေ ၂၀ ခန့်ရှိသော ဆန္ဒပြသမားများ ဆုတောင်းပြည့် ဘုရားသို့ လမ်းလျှောက်ဆန္ဒပြကြကြောင်း လမ်းလျှောက်ပွဲတွင်ပါဝင်သည့် အန်အယ်လ်ဒီပါတီဝင် ကိုအေးခိုင်က ဧရာဝတီကို ပြောသည်။
လမ်းလျှောက်ဆန္ဒပြကြစဉ် ဈေးအနီး၌ မြို့နယ် မယက ဥက္ကဌနှင့် စွမ်းအားရှင်များကလမ်းပိတ်ထားသောကြောင့် အခြား လမ်းမှ ဘုရားသို့သွားရကြောင်း၊ ဘုရားတွင် ရွှေသင်္ကန်းကပ်ကာ ကုန်ဈေးနှုန်း ကျဆင်းရေးအပါအ၀င် အဖမ်းအဆီး ခံနေရသည့် နိုင်ငံရေးအကျဉ်းသားများ လွတ်မြောက်ရေးကို ဆုတောင်းခဲ့သည်ဟုလည်း ကိုအေးခိုင်က ပြောသည်။
အပြန် မယက ရုံးရှေ့အရောက်တွင် လမ်းလျှောက်ပွဲ၌ပါဝင်သည့် ကျောက်ပန်းတောင်းမြို့နယ် အန်အယ်လ်ဒီ အတွင်းရေမှူး ဦးရွှေကိုအား အာဏာပိုင်ကခေါ်၍ လူငါးယောက်ထက်ပိုပြီး စုဝေးခွင့်မရှိသည့် ၂/၈၈ အမိန့်ကို ဖတ်ပြပြီး ဖမ်းလိုက ဖမ်းနိုင်သည်ဟု ခြိမ်းခြောက်ခဲ့ကြောင်း စုံစမ်းသိရှိရသည်။
အဆိုပါ လမ်းလျှောက်ဆန္ဒပြပွဲကို နေလယ် ၁၂ နာရီတွင် အောင်မြင်စွာ ရုပ်သိမ်းခဲ့ကြောင်း ကိုအေးခိုင်က ပြောသည်။
ဧရာဝတီ | သြဂုတ် ၂၈၊ ၂၀၀၇
စစ်တွေ-ရခိုင်ပြည်နယ်
ယနေ့နေ့လယ်ပိုင်းက သံဃာတော်များ လမ်းလျှောက်ဆန္ဒပြသည်ဟု စစ်တွေမြို့ခံတဦးက ပြောသည်။
လမ်းလျှောက်ဆန္ဒပြရာ၌ သံဃာတော် အပါး ၂၀၀ ကျော်ပါဝင်ပြီး နေ့လယ် ၁ နာရီမှ ၃ နာရီအထိ ဆန္ဒပြခဲ့ကြပြီး ငြိမ်းချမ်းစွာအဆုံးသတ်ခဲ့ကြောင်း စုံစမ်းသိရှိရသည်။
လှည်းတန်းဈေးရှေ့-ရန်ကုန်
နေ့လယ် တနာရီခန့်တွင် ဆန္ဒပြသမား ၂၀ ခန့် လှည်းတန်းဈေးရှေ့မှစ၍ ချီတက်ဆန္ဒပြကြသည်ဟု ဆန္ဒပြပွဲ၌ ပါဝင်သူ တဦးက ပြောသည်။
ဆန္ဒပြသမားများသည် လှည်းတန်းလမ်းဆုံအရောက်တွင် အင်းစိန်လမ်းမကြီးဘက်သို့ ဆက်လက်ချီတက်ကြရာ အသင့် စောင့်နေသည့် ကြံ့ဖွံ့နှင့် စွမ်းအားရှင်များက အကြမ်းဖက်ဖြိုခွဲဖမ်းဆီးသော်ကြောင့် ဆန္ဒပြသမား ၈ ဦးအဖမ်းခံရသည် ဟုလည်း ၎င်းပြောသည်။
၎င်းဆန္ဒပြပွဲတွင် မစုစုနွေးလည်းပါဝင်ပြီး ကြံ့ဖွံ့နှင့် စွမ်းအားရှင်များက အကြမ်းဖက်ဖမ်းဆီးနေစဉ် ပြည်တွင်း သတင်းထောက်တဦး၏အကူအညီကြောင့် အဖမ်းမခံရပုံကို မစုစုနွေးကိုယ်တိုင် ဧရာဝတီကိုရှင်းပြသည်။
အဖမ်းခံသူရများတွင် အန်အယ်လ်ဒီပါတီဝင်များဖြစ်ကြသည့် လှိုင်သာယာမှ ကိုကျော်စိုးဝင်းနှင့် ကိုသန့်ဇင်ဦး ဒေါပုံမှ ကိုဘိုဘိုဝင်းလှိုင်နှင့် အင်းစိန်မှ ကိုအေးနိုင်တို့ပါဝင်ကြောင်း စုံစမ်းသိရှိရသည်။
“လှည်းတန်းကားဂိတ်အလွန်မှာ ဆန္ဒပြသူတွေတရားဟောတယ်။ ကြံ့ဖွံ့က ဒိုင်နာကားတွေနဲ့ ၀ိုင်းထားတယ်။ ပြီးတော့ ကားပေါ်ကို ခြေနှစ်ဘက်၊ လက်နှစ်ဘက်ကနေကိုင်ပြီးတော့ ကားယားကြီး ဆွဲတင်သွားတယ်။ ကားပေါ်မှာ ဆောင့်ကန် တယ်၊ ထိုးတယ်။” ဟု မျက်မြင်သက်တဦးက ပြောသည်။
၎င်းအဖြစ်အပျက်ကို ၀ိုင်းကြည့်နေသည့်ပြည်သူလူထု ရာနှင့်ချီရှိပြီး ဆန္ဒပြချိန် ၁၅ မိနစ်ခန့်ရှိသည်ဟုလည်း စုံစမ်းသိရှိ ရသည်။
လှည်းတန်း ဇေယျာသီရိလမ်းထိပ်-ရန်ကုန်
ပထမအသုတ်ဆန္ဒပြသမားများအားဖမ်းဆီးသွားအပြီး နာရီဝက်ခန့်အကြာတွင် ၎င်းနေရာ၌ပင် လူငယ်နှစ်ဦးက ဖမ်းဆီး သွားသူများကိုပြန်လွှတ်ပေးရန်နှင့် ၎င်းတို့ငြိမ်းချမ်းစွာဆန္ဒပြခြင်းဖြစ်ကြောင်းကို ကြွေးကြော်သည်။
“နှစ်ယောက်လုံးကို ကားပေါ်ဖမ်းတင်သွားတယ်။ ဒိုင်နာကားဘေးကတာလပတ်အပြာကိုဖြုတ်ချလိုက်ပြီးတော့ ၀ိုင်းထိုးတယ်” ဟု လှည်းတန်းမှ မျက်မြင်သက်သေက ပြောသည်။
ရေနံချောင်း-မကွေးတိုင်း
နံနက် ၉ နာရီမှ ၁၁ နာရီအထိ အန်အယ်လ်ဒီပါတီဝင် ၂၀ ခန့်က ၄ ၊ ၅ ယောက် တတွဲတွဲလျက် ၀ါးတရိုက်ခန့်စီခွာ၍ လမ်းလျှောက်ဆန္ဒပြကြကြောင်း သိရသည်။
ဥပုသ်နေ့ဖြစ်သောကြောင့် ဆန္ဒပြသမားများသည် စာသင်သားများရှိရာ ဘုန်းကြီးကျောင်း ၃ ကျောင်းသို့ လမ်းလျှေက်ခြင်း ဖြစ်သည်ဟု ရေနံချောင်းမြို့မှ မကွေးတိုင်း အန်အယ်လ်ဒီ အမျိုးသမီးအဖွဲ့တာဝန်ခံ ဒေါ်ခင်စောဌေးက ဧရာဝတီကို ပြောသည်။
“ကိုယ်နေတဲ့ရပ်ရွာမှာ လူထုရှေ့က မားမားမတ်မတ်ရပ်ရမယ်။ ကိုယ့်ဆန္ဒကိုယ် ဖော်ထုတ်နိုင်ရမယ်။ လုံခြုံမှုမရှိတဲ့ လွတ်လပ်မှုဆိုတာ အလကားပဲ” ဟု ဒေါ်ခင်စောဌေးကပြောသည်။
အရပ်ဝတ်ရဲများနှင့် အာဏာပိုင်တို့က ငွေပေးပြီးငှားရမ်းထားသည့် စွမ်းအားရှင်တို့က ဆန္ဒပြသမားများနောက်သို့ ထက်ကြပ်မကွာ လိုက်လံကြည့်ရှုနေသော်လည်း ဟန့်တားနှောင့်ယှက်မှုမရှိကြောင်းလည်း သိရသည်။
ယခုလ ၂၃၊ ၂၄၊ ၂၅ နှင့် ၂၆ ရက်နေ့များကလည်း ရေနံချောင်းတွင် လမ်းလျှောက်ဆန္ဒပြပွဲများကို အန်အယ်လ်ဒီ
ပါတီဝင်များက ဦးဆောင်ပြုလုပ်ခဲ့ကြသည်။
ဧရာဝတီ | သြဂုတ် ၂၇၊ ၂၀၀၇
ပဲခူး-ပဲခူးတိုင်း
ယနေ့နံနက် ၉ နာရီခန့်တွင် ပဲခူးမြို့၌ ပဲခူး၊ က၀၊ သနပ်ပင်နှင့် ဝေါ စသည့် မြို့နယ်လေးခုမှ အန်အယ်လ်ဒီ အဖွဲ့ဝင်များ ပူးပေါင်းကာ လမ်းလျှေက်ဆန္ဒပြပွဲကို ပြုလုပ်ကြောင်း၊ ၎င်းဆန္ဒပြပွဲကို ဝေါမြို့နယ်လွှတ်တော် ကိုယ်စားလှယ် ဦးတင်ရွှေက ဦးဆောင်ကြောင်း ဆန္ဒပြပွဲတွင်ပါဝင်သည့် ကိုသိန်းတန်က ဧရာဝတီကိုပြောသည်။
“မနက် ၉ နာရီမှာ ပဲခူးဈေးကြီးကနေစပြီး ၂ ယောက်တတွဲလမ်းလျှောက်ထွက်ပါတယ်။ ကျနော်တို့ အင်အား ၅၀ လောက် ရှိတယ်။ ပြည်သူလူထုကတော့ ဘေးကနေရပ်ကြည့်အားပေးတယ်၊ ဆိုင်ကယ်တွေနဲ့လိုက်ပြီး အားပေးတယ်”ဟု ကိုသိန်းတန်က ပြောသည်။
၁၀ နာရီခန့်တွင် ပဲခူးမြို့ လိပ်ပြာကန်၊ လမ်း ၃၀ အရောက် မယက ဥက္ကဌက ဆန္ဒပြသမား ၃၁ ဦးအား မယကရုံးသို့ ခေါ်ယူဆွေးနွေးကြောင်း၊ လောင်စာဆီနှင့် ကုန်ဈေးနှုန်းကျဆင်းရေးအတွက် လှုပ်ရှားမှုများ ထပ်မလုပ်ရန် လက်မှတ် ထိုးပေးခဲ့ရကြောင်းလည်း ကိုသိန်းတန်က ပြောသည်။
နေ့လယ် ၁၂ နာရီတွင် ဆန္ဒပြသမားများ မယကရုံးမှ ပြန်ခွင့်ပြုခဲ့ကြောင်း စုံစမ်းသိရှိရသည်။
ဧရာဝတီ | သြဂုတ် ၂၆၊ ၂၀၀၇
ရေနံချောင်း-မကွေးတိုင်း
အာဏာပိုင်များက ၂/၈၈ ကြေညာချက်အရ လူ ၅ ယောက်ထက် ပိုစုလျှင် ဖမ်းမည်ဟု ပြောဆိုသောကြောင့် ယနေ့ ဆန္ဒပြမှုကို နည်းပြောင်း၍ ပြုလုပ်ကြောင်း မကွေးတိုင်း အန်အယ်လ်ဒီ အမျိုးသမီးတာဝန်ခံ ဒေါ်ခင်စောဌေးက ဧရာဝတီသို့ ပြောသည်။
“လူ ၅ ယောက် တတွဲ၊ ၄ ယောက်တတွဲ ထွက်ထွက်ပြီး လျှောက်ကြတယ်၊ အားလုံး လူ ၂၀ လောက်တော့ရှိတယ်၊ မနက် ၈ နာရီ ၉ နာရီလောက်ကတည်းက စတာ၊ ၅ ယောက်ထက်ပိုရင် ဖမ်းမယ်ဆိုတော့ နည်းပြောင်းလိုက်တယ်၊ သူတို့ကလည်း အန်တီတို့နောက်ကို တောက်လျှောက်လိုက်နေတာပဲ၊ မယက ရုံးထဲမှာလည်း အင်အား အပြည့်ပဲ”ဟု ၎င်းက ပြောသည်။
ယမန်နေ့က လမ်းလျှောက်ဆန္ဒပြသူများကို အာဏာပိုင်များက အင်အားသုံး ဖြိုခွဲရန်ပြင်ဆင်ထားမှုကြောင့် ယနေ့တွင် အင်အားသုံးလာပါက မြို့လူထုက ၀င်ရောက်ကူညီရန် အသင့်အနေအထားရှိနေသည်ဟုလည်း ဒေါ်ခင်စောဌေးက ပြောသည်။
ဧရာဝတီ | သြဂုတ် ၂၅၊ ၂၀၀၇
ရေနံချောင်း-မကွေးတိုင်း
ကြံ့ဖွံ့၊ ရဲနှင့် မီးသတ်တပ်ဖွဲ့ဝင်များက လမ်းလျှောက်ဆန္ဒပြမည့်လမ်းကို တားဆီးပိတ်ဆို့ထားသည်ဟု မကွေးတိုင်း အန်အယ်လ်ဒီ အမျိုးသမီးတာဝန်ခံ ဒေါ်ခင်စောဌေးက ဧရာဝတီကို ပြောသည်။
“ပိတ်ထားတဲ့နေရာကို အန်တီကထွက်ပြီး မယက ဥက္ကဌကို တွေ့ပြီး ကျမတို့ကိုဖိအားမပေးနဲ့၊ ဖိအားပေးရင် ကျမတို့ရဲ့ကလေးတွေကို တားမထားဘူး၊ ကျမကိုယ်တိုင်ရှေ့ကထွက်မှာလို့ပြောလိုက်တယ်။ အန်တီတို့ကတော့ တိုက်ပွဲဝင်ဖို့အသင့်ပဲ” ဟု ဒေါ်ခင်စောဌေးက ပြောသည်။
အာဏာပိုင်တို့ တပ်ပြန်ဆုတ်သွားသော်လည်း မိုးရွာလာသောကြောင့် ဆန္ဒပြပွဲကို ရပ်ဆိုင်းပြီး မနက်ဖြန်တွင် ဆက်လက်ပြုလုပ်မည်ဟုလည်း ဒေါ်ချင်စောဌေးက ပြောသည်။
မိုးကုတ်-မန္တလေးတိုင်း (နောက်ဆက်တွဲသတင်း)
လူ၃၀ ခန့်ဖြင့်စတင်သည့် လမ်းလျှောက်ဆန္ဒပြပွဲကို မြို့ခံလူထုများ လာရောက်ပူးပေါင်းရာ လူဦးရေ ၁၅၀ ကျော်သွားသည်ဟု မိုးကုတ်မြို့နယ် အန်အယ်လ်ဒီ စည်းရုံးရေးကော်မတီဝင် ကိုမင်းသူက ဧရာဝတီကို ပြောသည်။
“လမ်းလျှောက်နေရင်းနဲ့ လောင်စာဆီဈေးကျဆင်းရေးနဲ့ ကုန်ဈေးနှုန်းကျဆင်းရေးအတွက် ငြိမ်းချမ်းစွာ ဆန္ဒပြနေကြပါတယ်လို့ အော်တယ်” ဟု ကိုမင်းသူက ပြောသည်။
ဆန္ဒပြသမားများသည် နေ့လယ် ၁၁ နာရီခွဲခန့်မှ ၁ နာရီအထိ မိုးကုတ်မြို့တပတ် လမ်းလျှောက်ကြပြီး စွမ်းအင် ၀န်ကြီးဌာနသို့လိပ်မူထားသည့်စာတစောင်ကို မြို့လယ်ရှိဓာတ်ဆီဆိုင်တွင် မြို့နယ် မယက ဥက္ကဌထံ ပေးခဲ့ကြောင်း သိရသည်။
၎င်းစာတွင် လောင်စာဆီဈေးနှုန်းများ တိုးမြှင့်သတ်မှတ်သည့်အပေါ် အပြင်းအထန်ကန့်ကွက်ကြောင်းနှင့် မူလဈေးနှုန်းအတိုင်း ပြန်လည်သတ်မှတ်ပေးရန် တောင်းဆိုထားသည်။
၎င်းဆန္ဒပြပွဲကို ကြံ့ဖွံ့၊ စွမ်းအားရှင်နှင့် အာဏာပိုင်တို့က နှောင့်ယှက်ခြင်းတစုံတရာမရှိကြောင်းလည်း ကိုမင်းသူက ပြောသည်။
သိမ်ကြီးဈေး-ရန်ကုန်မြို့
နေ့လယ်တနာရီ၌ သိမ်ကြီးဈေးရှေ့တွင် ကိုထင်ကျော်၊ ကိုဇော်ညွန့်၊ ကိုကံ၊ ဦးဟန်တီတို့ ၄ ဦး ဆန္ဒပြကြသည်ဟု မျက်မြင်သက်သေတဦးက ပြောသည်။ ဆန္ဒပြလျှင်ပြချင်း ၎င်းတို့ ၄ ဦးကို အာဏာပိုင်တို့က ဖမ်းဆီးလိုက်သည်ဟုလည်း မျက်မြင်သက်သေက ပြောသည်။
ကိုထင်ကျော်သည် လောင်စာဆီဈေးနှင့် မော်တော်ကားခများကို လျှော့ချပေးရန်အတွက် ဆန္ဒပြလှုပ်ရှားမှုများ ပြုလုပ်ရန် ပထမဆုံးစည်းရုံးလှုံ့ဆော်သူလည်းဖြစ်ပြီး စစ်အစိုးရက ၎င်းအား ကျပ်ငွေငါးသိန်း ဆုငွေထုတ်ထားသည်။
မိုးကုတ်-မန္တလေးတိုင်း
နေ့လယ် ၁၁ နာရီခွဲခန့်တွင် အန်အယ်လ်ဒီ လူငယ်နှင့် အမျိုးသမီးအဖွဲ့ဝင် ၃၀ ခန့် လမ်းလျှောက်ဆန္ဒပြသည်ဟု မိုးကုတ်မြို့နယ် အန်အယ်လ်ဒီ ဥက္ကဌ ဦးလှဦးက ဧရာဝတီကို ပြောသည်။ အာဏာပိုင်တို့၏ တားဆီးနှောင့်ယှက်မှု တစုံတရာမရှိသေးကြောင်းလည်း သိရသည်။
ဧရာဝတီ | သြဂုတ် ၂၄၊ ၂၀၀၇ မြို့တော်ခန်းမရှေ့-ရန်ကုန်မြို့
နေ့လယ် ၂ နာရီခန့်က မြို့တော်ခန်းမရှေ့တွင် ဆန္ဒပြသမား ၁၀၀ ခန့် ဆန္ဒပြရန်စီစဉ်နေခိုက် ၂၀ ခန့်ကို ရဲ၊ ကြံ့ဖွံ့များက အကြမ်းဖက် ဖမ်းဆီးကြောင်း ဆန္ဒပြအုပ်စုတွင်ပါဝင်သည့် မမျိုးမျိုးက ဧရာဝတီကိုပြောသည်။
“ဘာမှတောင်သိပ်မလုပ်လိုက်ရဘူး၊ သူတို့ဘက်က (အာဏာပိုင်) လူတွေရောက်လာပြီး ၀ိုင်းထားလိုက်တာ။ အဖမ်းခံရသူ အများစုက အမျိုးသမီးတွေ” ဟု မမျိုးမျိုးကပြောသည်။
ဆန္ဒပြသမားများအား ဖမ်းဆီးခေါ်ဆောင်သွားသည့်ကားသည် မြို့တော်ခန်းမအတွင်းသို့ မောင်းဝင်သွားကြောင်းနှင့် အကြမ်းဖက်ဖမ်းဆီးသူများတွင် အမျိုးသမီးများလည်းပါသည်ဟု မမျိုးမျိုးကပြောသည်
ဒဂုံမြို့သစ်တောင်ပိုင်း-ရန်ကုန်မြို့
နံနက်ပိုင်းက ဒဂုံမြို့သစ်တောင်ပိုင်း၌ အန်အယ်လ်ဒီပါတီ လူငယ်အဖွဲ့ဝင်များဖြစ်ကြသည့် ကိုအောင်စောဦး၊ ကိုစောလွင်၊ ကိုသိန်းအောင်မြင့်နှင့် ကိုညွန့်ဝင်းတို့ လိုင်းကားဂိတ်တွင်ကားစောင့်နေစဉ် ဒေသအာဏာပိုင်တို့က အကြောင်းပြချက် တစုံတရာမပေးဘဲ ဖမ်းဆီးလိုက်သည်ဟု အန်အယ်လ်ဒီ ပြောရေးဆိုခွင့်ရှိသူ ဦးမြင့်သိန်းက ဧရာဝတီကိုပြောသည်။
အဖမ်းခံရသူ ၄ ဦးကို မည့်သည့်နေရာ၌ ချုပ်နှောင်ထားသည်ကို စုံစမ်း၍မရသေးပေ။
ပုသိမ်-ဧရာဝတီတိုင်း
နံနက် ၉ နာရီခန့်က ပုသိမ်မြို့ ကုန်သည်လမ်းတွင် တကိုယ်တော်ဆန္ဒပြပွဲပြုလုပ်ကြောင်း သိရသည်။
တကိုယ်တော်ဆန္ဒပြသူ ဦးအေးဝင်းက “ဓာတ်ဆီဈေးအတက် ပြည်သူအခက်” ဟူသည့်စာတန်းကို လည်တွင်စွဲထားပြီး ၁၀ မိနစ်ကြာသည်အထိ ဆန္ဒပြပြီးချိန်၌ အာဏာပိုင်တို့က ဖမ်းဆီးသွားသည်ဟု စုံစမ်းသိရှိရသည်။ တာမွေပလာဇာ-ရန်ကုန်မြို့
လောင်စာဆီနှင့် ကုန်ဈေးနှုန်းကျဆင်းရေး လမ်းလျှောက်ဆန္ဒပြပွဲအားအကြမ်းဖက်နှိမ်နင်းရန် ကြံ့ဖွံ့နှင့် စွမ်းအားရှင် ၁၀၀ ခန့် ဒိုင်နာကား ၅ စီးဖြင့် တာမွေပလာဇာသို့ ရောက်နေကြောင်း သိရသည်။
နေ့လယ်တနာရီတွင် ၈၈ မျိုးဆက်ကျောင်းသားအဖွဲ့နှင့် အန်အယ်လ်ဒီပါတီဝင်များဦးဆောင်၍ လူထုလူတန်းစား အသီးသီးနှင့်အတူ တာမွေပလာဇာတွင် ဆန္ဒပြရန်စီစဉ်ထားသည်ဟု သတင်းများထွက်နေကြောင်း ရန်ကုန်မြို့ခံတဦးက ဧရာဝတီကို ပြောသည်။
ရေနံချောင်း-မကွေးတိုင်း
လူ ၂၀ ကျော်ပါသည့် လမ်းလျှောက်ဆန္ဒပြအဖွဲ့သည် မြို့နယ်မယကရုံးတွင် လောင်စာဆီဈေးနှင့် ယာဉ်စီးခနှုန်းထား ကြီးမြင့်မှု ပြဿနာကို မယက ဥက္ကဌနှင့် သွားရောက်တွေ့ဆုံဆွေးနွေးကာ ၎င်းရုံးမှနေ၍ တမိုင်အကွာခရီးကို တနာရီခန့် ကြာအောင် ငြိမ်းချမ်းစွာလမ်းလျှောက်ဆန္ဒပြကြသည်ဟု ဆန္ဒပြပွဲတွင်ပါဝင်သည့် ရေနံချောင်း အန်အယ်လ်ဒီ စည်းရုံးရေး အဖွဲ့ဝင် ဦးသန်းအောင်က ဧရာဝတီကိုပြောသည်။
ဦးသန်းအောင်က “မယက ဥက္ကဌက ဓာတ်ဆီဈေးနှုန်းတွေ တက်သွားပေမယ့် ကားခတွေကို ဆီဈေးမတက်ခင်ကအတိုင်း ပြန်ချပေးထားတယ်၊ နဂိုဈေးနှုန်းတွေအတိုင်း ဆက်သွားပါမယ်လို့ ရှင်းပြလိုက်တယ်။ ကျနော်တို့ဘက်က ပြန်ပြောတာက ဒါကို ရေနံချောင်းမြို့နယ် ဥက္ကဌက လိုက်လျောသလိုပဲ နအဖ ဥက္ကဌကြီး ကိုယ်တိုင်ကလည်း တပြည်လုံးအတွက် လိုက်လျောပေးဖို့ ထပ်ပြောခဲ့တယ်” ဟု ပြောဆိုသည်။
မယကရုံးအတွင်း၌ စစ်တပ်၊ ရဲနှင့် ကြံ့ဖွံ့အဖွဲ့ဝင်များ အသင့်ခေါ်ထားသော်လည်း အနှောင့်အယှက်မရှိကြောင်း၊ လမ်းလျှောက်ဆန္ဒပြပွဲတလျှောက်တွင် ဒေသခံပြည်သူများက အားပေးထောက်ခံကြောင်းလည်း ဦးသန်းအောင်က ပြောသည်။
ယမန်နေ့ညနေက ရေနံချောင်း အန်အယ်လ်ဒီပါတီမှ ဦးတင့်လွင်နှင့် ဒေါ်ခင်စောဌေးတို့အား နံနက်ပိုင်း လမ်းလျှောက် ဆန္ဒပြပွဲနှင့် ပတ်သက်၍ ခရိုင်ဖွံ့ဖြိုးရေးကောင်စီဥက္ကဌက မယကရုံးတွင်ခေါ်ယူတွေ့ဆုံကာ ၂/၈၈ ဥပဒေအရ လူငါးယောက်ထက် စုဝေးခွင့်မရှိဟုပြောကြောင်း ဦးတင့်လွင်က ပြောသည်။
ဧရာဝတီ | သြဂုတ် ၂၃၊ ၂၀၀၇  |
| ဦးအုန်းသန်း |
အမေရိကန်သံရုံးရှေ့-ရန်ကုန်မြို့
နေ့လယ်တနာရီခန့်က အမေရိကန်သံရုံးရှေ့၌ ဦးအုန်းသန်း တကိုယ်တော်ဆန္ဒပြခဲ့သည်။ ဆန္ဒပြပြီး ၁၀ မိနစ်အကြာတွင် အဖမ်းခံရကြောင်းသိရသည်။
ဦးအုန်းသန်းသည် နိုင်ငံရေးအကျဉ်းသားဟောင်းတဦးဖြစ်ပြီး ယခင်ကလည်း တကိုယ်တော်ဆန္ဒ ပြခြင်းကို ၂ ကြိမ် ပြုလုပ်ခဲ့ကာပြီး ဧပြီလအတွင်းက ပြုလုပ်ခဲ့သည့် ကုန်ဈေးနှုန်းကျဆင်းရေး ဆန္ဒပြပွဲတွင်လည်း ပါဝင်ခဲ့သည်။
ရွှေဂုံတိုင်-ရန်ကုန်မြို့
နံနက် ၉ နာရီခန့်တွင် အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) အဖွဲ့ဝင်များဦးဆောင်ပြီး တာမွေမှ ရွှေဂုံတိုင်သို့ လူ ၄၀ ခန့် နှစ်ယောက်တွဲ ချီတက်ဆန္ဒပြကြသည်ဟု ဆန္ဒပြပွဲ၌ ပါဝင်သူတဦးက
ဧရာဝတီကို ပြောသည်။
လမ်းလျှောက်ဆန္ဒပြသူများအား ခြောက်ထပ်ကြီးဘုရားဝန်းကျင်မှစ၍ ကြံ့ဖွံ့နှင့် စွမ်းအားရှင်များက နှောင့်ယှက် တားဆီးပြီး ရွှေဂုံတိုင်လမ်းစုံအလွန်တွင် ဆန္ဒပြလူအုပ်ကို အကြမ်းဖက်ဖြိုခွဲကြောင်း သိရသည်။
“အတင်းဝင်ဖမ်းတယ်၊ တယောက်တည်းကို ၄၊ ၅ ယောက်လောက်က ၀င်ထိုးပြီး ဒိုင်နာကားပေါ်ကိုတင်တာ။ ဘေးက ကြည့်နေတဲ့လူတွေက မလုပ်ဖို့ဝိုင်းအော်တော့ လူတွေဘက်လှည့်ပြီး ဓာတ်ပုံတွေရိုက်တယ်။ ကားပေါ်ရောက်တော့ ထီးနဲ့လဲရိုက်တယ်”ဟု မျက်မြင်သက်သေတဦးက ပြောသည်။
အဆိုပါဆန္ဒပြပွဲ၌ ဆန္ဒပြသမား ၃၀ ခန့်ကို အကြမ်းဖက် ၀င်ရောက်ဖမ်းဆီးခဲ့ကြောင်းနှင့် အဖမ်းခံရသူများတွင် ရန်ကင်းမြို့နယ် အန်အယ်လ်ဒီဥက္ကဌ ဦးမျိုးခင်လည်းပါသည်ဟု စုံစမ်းသိရှိရသည်။
တောင်ဒဂုံ-ရန်ကုန်မြို့
နံနက် ၈ နာရီခန့်တွင်လည်း တောင်ဒဂုံမြို့သစ်မြို့နယ်၌ အန်အယ်လ်ဒီအဖွဲ့ဝင် ၃၀ ခန့်လမ်းလျှောက် ဆန္ဒပြကြကြောင်း ဆန္ဒပြပွဲတွင် ပါဝင်သူကပြောသည်။
၎င်းဆန္ဒပြပွဲကိုလည်း တုတ်များ ကိုင်ဆောင်ထားသည့်ကြံ့ဖွံ့များက ဟန့်တားနှောင့်ယှက်ကြသည်ဟုလည်း ဆန္ဒပြသမားက ပြောသည်။ နှောင့်ယှက်သူများတွင် မြို့နယ် မယကဥက္ကဌ ကိုယ်တိုင်ပါဝင်ပြီး ဆန္ဒပြပွဲကို ဦးဆောင်သည့် အန်အယ်လ်ဒီ အဖွဲ့ဝင် ဦးစိုးငယ်နှင့် အမျိုးသမီးနှစ်ဦးကို ဖမ်းဆီးသွားကြောင်း စုံစမ်းသိရှိရသည်။
ရေနံချောင်း-မကွေးတိုင်း
နံနက် ၈ နာရီမှ ၁၀ နာရီခွဲအထိ အန်ယ်လ်ဒီပါတီဝင်များနှင့် ဒေသခံလူထုစုစုပေါင်း ၅၀ ကျော် လမ်းလျှောက် ဆန္ဒပြကြ သည်ဟု မကွေးတိုင်း အန်အယ်လ်ဒီ အမျိုးသမီးတာဝန်ခံ ဒေါ်ခင်စောဌေးက ဧရာဝတီကိုပြောသည်။
လောင်စာဆီဈေးနှုန်းကြီးမြင့်မှုကြောင့် ဆန္ဒပြပွဲကိုပြုလုပ်ခြင်းဖြစ်ပြီး ဒေသခံအာဏာပိုင်တို့က ဟန့်တား နှောင့်ယှက်မှု မပြုကြောင်းလည်း ဒေါ်ခင်စောဌေးက ပြောသည်။
“မြို့တိုင်းမြို့တိုင်းမှာလည်း ပြည်သူတွေပါဝင်ပူးပေါင်းတဲ့ ဆန္ဒပြပွဲတွေကို ကျမတို့နိုင်ငံရေးသမားတွေက လုပ်သင့်ပါတယ်။ ပြည်သူလူထုအားလုံးကလည်း မိမိတို့ရဲ့ဆန္ဒကို ထုတ်ဖော်ပြရမှာပါ”ဟု ဒေါ်ခင်စောဌေးက ပြောသည်။
မနက်ဖြန်တွင်လည်း ရေနံချောင်းမြို့တွင် ဆက်လက်ဆန္ဒပြကြမည်ဟု စုံစမ်းသိရှိရသည်။
